Framtíðarspá

Hingað var borið fallegt bréf á góðum pappír. Tilkynning til 17 ára manns um að samtals áunninn ellilífeyrir við 67 ára aldur sé kr. 4.539 á ári eða kr. 378 á mánuði. Lífeyrissjóður verslunarmanna er greinilega hvergi smeykur.

Nöfn með rentu II

Ólafur Dýrmundsson er formaður Dýraverndarsambands Íslands.

Nöfn með rentu

Nina Stork býr til börn gegn vægu gjaldi.
Sigurjón Bláfeld er sérfræðingur í loðdýrarækt.

Ávöxtun

Dráttarvextir í lýðveldinu hafa verið 26,5 af hundraði frá 1. júlí. Verst að enginn er í vanskilum við mig. Í þessari tilkynningu er tekið fram að grunnur dráttarvaxta sé 15,5% og vanefndaálag 11,0%. Næst þegar ég kaupi eitthvað dýrt á fimmþúsundkall, ætla ég að lina þjáningarnar með því að segja sjálfri mér að það kosti þrjúþúsund plús tvöþúsund.